الماسك السحري اللي غيرلي بشرتي

السلام عليكم صباح الخير ، اشتقت لمدونتي واشتقت لكم 😍، اخر تدوينة كتبتها السنة اللي فاتت فـ سنة حلوة عليكم جميعاً

رجعت لكم بموضوع بسيط غير بشرتي، ممره حابة بشرتي هالفترة الله يتمم علي 😌، اكثر شي كان يأزمني هو الحبوب اللي تطلع لي فجأة عانيتتت منها بشكل مش طبيعي واذا راحت ابتلش باثرها ويلا ابدأ ادور حل من اول وجديد

بقولكم عن نوع بشرتي اول عشان تعرفون هل الماسك راح ينفع لكم او لا

بشرتي مختلطة تميل للدهنية

اللهم لك الحمد طول فترة المراهقة ماعنيت بحبوب ابدا ابدا

متى بدأت الحبوب من الجامعه قبتتت بشرتي واعتفست حيييييل من نظام اكلي ونومي الحلوين ماشاء الله 😂

الزبدة طول هالفترة وانا ارقع ببشرتي ومرات تزين ومرات ولا وهكذا ..

(في موضوع آخر راح اتكلم عن روتيني بالتفصيل ان شاء الله 😙)

إلى ان طحت على الشاي الاخضر والشاي العادي الأحمر

يابنات اللي صدق تعاني من حبوب هذا الحل والله

ينشف الحبوب من قلب الشاي يعتبر مضاد للبكتريا ويقلل من افراز الدهون

ومع الاستمرار بتختفي حرفياً

انا ادري من كثر ماصار عندنا هوس بالمنتجات ما قمنا نصدق ان في حلول بسيطة زي كذا موجودة ببيتنا ممكن تخلصنا من الحبوب ..

قبل ما تفكرين بالروكتان اعطي بشرتك فرصة وجربي هالطريقة.

مرات كنت انقع الشاي ولما يبرد احطة بعلب نفس هاذي ويصير ابخ كذا مره باليوم يعني بعد الوضوء.

بتلاحظين فرق خلال اسبوع ان شاء الله ان الحبوب نشفت وبدت تطيح اهم شي لاتلمسين وجهك ووتعبثين بالحبوب