بسم الله
اهلين بنات شخباركم وشمسوين ♥♥
أول بوست لي ان شاء الله يعجبكم…
ريڤيو بسيط لكم شي اخذتهم من سوب اند قلوري وتجربتي لهم لمدة شهرين تقريباً…
بالبداية بتكلم عن هالبراند شوي:
هي شركة بريطانية تملكها Marcia Kilgore
اطلقتها عام 2006 وهي صاحبة bliss spa ايضا ، تقول من لما كانت صغير ١٠ او ١١ تتذكر انها كانت تعاني من بشرتها الدهنية…ما كان متوفر عندها شي يساعدها تخفف من بشرتها الدهنية الا Clearasil والمضادات الحيوية ، وفي الحقيقه ما كانت تجيب اي مفعول ، تقول " اعرف الحين لما تجففين بشرتك بزيادة راح تزيد من دهنيتها اكثر " ايضاً انها ما كانت تعرف من قبل… كانت في سن المراهقة تعاني كثير من البقع حتى ما كانت تبي تطلع من غرفتها ابداً وتقول اتذكر مره صحيت ورجعت على طول لسريري ما كنت قادرة اشوف احد :(
*سألوها كيف كانت بدايتك ؟
بالبداية لما انتقلت لنيويورك عاشت في East Village ، ما كان معها فلوس وكانت بشرتها سيئة جداً ، مره فكرت انها تدلع نفسها وتروح وتسوي فيشل اللي كلفها ثلاث شهور تجمع له ، لما دخلت لغرفة المختصة قالت لها" ياللأسف" شوي الا تجيب احد ثاني يشتغل بالعياده ويقعدون يطالعون فيه وجهها ويقول " ياللهول مروع" يقصدون وجهها طبعاً ، جلست تفكر انه لو كان عندها مكان زي كذا ما كان بتفكر لو لحظه انها تخلي احد يحس بشعور سيء عن نفسه. كانت لحظه فاصلة في حياتها قررت انها تجعل الناس يشعرون بالسعادة حول نظرتهم لنفسهم حتى لو كانت لمده دقيقة وحده ♥.
بعد ما افتتحت السبا حقها اللي هو Bliss spa اخذت فترت سنه أوڤ كانت عايشه بالمملكة المتحدة في يوم تمشي بالشارع فكرت ليش ما اسوي مستحضرات تجميل باسعار معقولة وبيد الجميع اي احد يشتريها فكرت باسم :
"the land of soap & glory "
تقول لو كان عندك تركيبة ممتازة و عندك الباكجنق رائع وسعر معقول راح تحصلين على التوب برودكت.
* سألوها ايش المنتج من سوب اند قلوري اللي مفروض يكون عند كل وحده ؟
: Soap & glory Make yourself youthful super serum
تقول يمكن تحسون انه مدعاه للفخر بعملي بس انه يقاتل التجاعيد ، يملئ الخطوط ، عند استخدامه بشرتك تبين فريش مشعه بين ليلة وضحاها
وتستخدمه على وجهها ورقبتها والاكواع وظهر اليد.
وبس..♥
قرقت كثير ادري يلا ببدأ بريڤيو للاشياء اللي جربتها:
"Soap & glory Hand Food"
صراحه مو قد المدح اللي جاه ابد الباكجنق جممميل مره يحمسك تشترينه بس للأسف ترطيبه مايدوم ابد بسرعه يروح! مدري هو ريحته كذا ولا حقي منتهي صلاحيته فيه ريحة مو زينه ابدً
الزبده هل برجع اشتريه او لا ؟ لا بجرب اشياء ثانية من نفس البراند.
"Soap & Glory No Clogas Allowed "
حبيته ممره ينظف من قلب تحسين بشرتك تتنفس عقبه تمدينه على وجهك وتسوين مساج للين يتحول للون الأزرق فاتح بتحسين انه حار شوي بس بعدين تخف الحراره ، اسبوعياً استخدمية وبتلاحظين الرؤوس السوداء خفت بشكل واضح ، ينفع للبشره الدهنية والمختلطة.
"Soap & Glory Peachs And Clean"
غسول للوجهة يعتبر مزيل للمكياج وبنفس الوقت غسول ، ريحتة جمميله جداً كذا جايه على نعناع وخوخ منعشة صدق يجيب الإسترخاء ، احطه على وجهي واستخدم جهاز اولاي لمدة كذا دقيقه وبعدين اغسل وجهي ، انتبهي تحطين لعينك مايناسب العين ، بالنهاية انه ينظف الوجه صدق وبرجع اشتريه اكيد..
"soap & glory Catch a Wrinkle in time"
هالمرطب يعتبر ال go-to صراحه يرطب الوجه صدق استخدمه قبل الميك اب او بعد ما اغسل وجهي الصبح ريحته برتقال تهبل ، قريت كثير ريڤيوز يقولون ان بعد استعمالهم له يومياً لمدة شهر تفاجئوا ان بشرتهم صارت صافيه وخفت الحبوب عندهم بنسبة ٩٠ بالمية (ويزيد حبي له) للأسف والصدمه اللي قريتها قطعوه من السوق خلاص ماعاد ينباع .
"Soap&glory Flake Away "
سكرب للجسم جمميل جداً
يستاهل كل المدح صراحه
تقريباً هو مقشر ومرطب في نفس الوقت بعد ماتحطينه على جسمك تحسين بنعومة وريحته جمال!!
انصح كل وحده فيه
وبس ♥
♥...love you
ليست هناك تعليقات